Ana səhifə   |   Astrologiya    |   Reklam
+99470 251-50-20     [email protected]    

Vidadi Bərdəlinin iddia olunan oğlundan şok açıqlama! - Bunu edən şəxs məni istəməyən biridir - VİDEO

Media24.az      14 İyun , 14:57
Vidadi Bərdəlinin iddia olunan oğlundan şok açıqlama! - Bunu edən şəxs məni istəməyən biridir - VİDEO

Bir neçə gün əvvəl mərhum müğənni Vidadi Bərdəlinin oğlu Tuncay Vəliyevin həbs olunması ilə bağlı yayılan xəbərlər Vidadi Bərdəlinin ailəsində narahatlığa səbəb olub. Belə ki, iddia olunan və bəzi xəbər portallarında fotoları paylaşılan Tuncay Vəliyev Vidadi Bərdəlinin oğlu olmadığını açıqlayıb.

 

Eynilə Tuncay Vəliyev adını və soyadını daşıyan həmin şəxs "Lider" telekanalında yayımlanan "Klip plyus" verilişinin aparıcısı olan və uzun illərdir müğənni kimi fəaliyyət göstərən Tuncay Vəliyevdir (Tuncay Vidadi Bərdəli).

Milli.Az xəbər verir ki, Tuncay Vəliyev özü bununla bağlı həm video müraciət ünvanlayıb, həm də açıqlama verərək bildirib ki, haqqında yazılan məlumatların ona heç bir aiddiyyəti yoxdur:

 

"Dəfələrlə açıqlama vermişəm ki, mən Vidadi Bərdəlinin oğlu deyiləm. Mən onun doğma böyük qardaşı Vaqif Vəliyevin oğluyam. Amma adı cinayət işlərində qeyd olunan Tuncay Vəliyev isə Vidadi Bərdəlinin qeyri-rəsmi nikahdan olan oğludur. İkimiz də eyni adı və soyadı daşıyırıq. Bizim həmin ailəylə münasibətimiz və əlaqəmiz tamamilə yoxdur. Ümumiyyətlə, ilk gündən nə onların bizimlə, nə də bizim onlarla heç bir əlaqəmiz olmayıb. Rəhmətlik Vidadi əmim sağlığında onlara qarşı soyuq münasibətdə idi. Onun həmin ailəyə daimi gediş-gəlişi olmayıb. Bunlar hamısı keçmişdə olub və keçmişdə qalıb. Demək istəyirəm ki, məni həmişə həmin oğlanla səhv salırlar. İnsanlar elə bilirlər ki, mən onun oğluyam. Amma xeyr, mən Vidadi Bərdəlinin qardaşı oğluyam".

O, ad məsələsinə də aydınlıq gətirib: "Əmim sağlığında özü mənə deyib ki, sən muğam və xalq mahnılarımızın ifaçısı kimi istəyirəm ki, adımı yaşadasan. Həmişə adımı üzərində daşı və bunu yaşat! O, bu məqsədlə öz adını mənə həvalə edib. Ömrümün sonunadək bu adı üzərimdə daşıyacağam və yaşadacağam".

 

Baş vermiş bu çaşqınlıqda onun fotolarının yayılmasında və adının çəkilməsində kimlərinsə vasitəçi olduğunu söyləyən T.Vəliyev deyib ki, bu məsələdə şübhələndiyi şəxslər var: "Bu məsələ kimlərinsə vasitəsi ilə olub. Çünki yetərincə insan bilir ki, mən Vidadi Bərdəlinin qardaşı oğluyam. Şübhələndiyim insanlar var. Adını çəkmək istəmirəm. Bunu edən şəxs məni istəməyən biridir. Kimlərinsə mənimlə qəsdi-qərəzliyi var. Məni istəməyən dostlar da, qohumlar da var".

 

T.Vəliyev Vidadi Bərdəlinin ailə münasibətləri ilə bağlı fikirlərini də bölüşüb. O, ailəsinin hadisə ilə əlaqədar ciddi narahat olduğunu söyləyib: "Vidadi Bərdəlinin bir qardaşı və iki bacısı var: Vaqif, Solmaz və Yeganə. Bacı-qardaşlar arasında münasibət yaxşıdır. Ailəvi gediş-gəlişləri var. Sadəcə olaraq, baş verən hadisədə mənim adımın çəkilməsi və fotomun yayılması ailəmizə qarşı ləkədir. Mən bəzi jurnalistlərimizdən çox xahiş edirəm ki, mənim adımı bu məsələdə hallandırmasınlar və məni Vidadi Bərdəlinin oğluyla səhv salmasınlar".

 

Şübhəli şəxs olan Tuncay Vəliyev haqqında danışmaq istəmədiyini deyən T.Vəliyev onu qardaş kimi qəbul etmədiyini açıqlayıb: "Həmin Tuncayla bağlı qətiyyən heç bir şey danışmaq istəmirəm. O, məni maraqlandırmır. Onu qardaş kimi qəbul etmirəm. Qardaşım Orxandır".

 

Milli.Az Vidadi Bərdəlinin iddia olunan oğlu Tuncay Vəliyevin (Tuncay Vidadi Bərdəli) video müraciətini təqdim edir:

Загрузка...
Ən çox izlənənlər

Son 12 saatda yüklənən xəbər yoxdur

Sizinlə əməkdaşlığa şad olardıq!

Brendinizi tanıtmaq üçün ölkənin ən reytinqli media resuslarından olan Media24.az saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 251-50-20

Bağla