Ana səhifə   |   Astrologiya    |   Reklam
+99470 251-50-20     [email protected]    

ABŞ-ın Avropa komandanlığı: "Suriyaya atılan bircə raket belə vurulmayıb"

Media24.az      16 Aprel , 18:11
ABŞ-ın Avropa komandanlığı:

Suriya və Rusiyanın hava hücumundan müdafiə qüvvələri ABŞ, Britaniya və Fransa tərəfindən Suriyada kimyəvi vasitələr istehsal edən obyektlərə buraxılan 100-dən çox raketin heç birini vurmayıblar.

 

Media24.Az APA-ya istinadən bildirir ki, bu barədə ABŞ-ın Avropa Komandanlığının (EUCOM) mətbuata açıqlamasında deyilir. "Bu missiyada iştirak etmiş heç bir raket SuriyaHHM qüvvələri tərəfindən uğurla vurulmayıb və Rusiya HHM sistemlərinin işə salındığına dair heç bir əlamət yoxdur", - deyə açıqlamada bildirilir.

 

Açıqlamada qeyd olunur ki, ümumilikdə hədəflərə 105 raket atılıb. Qırmızı dənizdən - "Monterey" (ABŞ) kreyserindən 30 "Tomahawk" raketi, "Laboon" (ABŞ) eskadra mina gəmisindən 7 eyni tip raket; Fars Körfəzindən - "Higgins" (ABŞ) eskadra mina gəmisindən 23 raket; Aralıq dənizindən - "John Warner" (ABŞ) sualtı qayığından 6 raket, "Languedoc" Fransa freqatından 3 raket buraxılıb.

 

Havadan 2 ədəd "B-1B Lancer" ABŞ strateji bombardmançısı tərəfindən 19 raket, Britaniyanın "Tornado" və "Typhoon" hücum təyyarələrindən 8 raket, Fransanın "Rafales" və "Mirages" hücum təyyarələrindən 9 raket buraxılıb.

 

ABŞ-ın Avropa qüvvələrinin komandanı Kertis Skaparotti bildirib ki, əməliyyat dəqiqliklə planlaşdırılaraq icra edilib və EUCOM-un istənilən vəziyyətə operativ reaksiya vermək qabiliyyətini təsdiqləyib.

 

Qeyd edək ki, aprelin 14-də səhərə yaxın ABŞ, Böyük Britaniya və Fransa tərəfindən Surİyadakı 3 obyektə raket zərbələri endirilib.

Загрузка...
Ən çox izlənənlər

Son 12 saatda yüklənən xəbər yoxdur

Sizinlə əməkdaşlığa şad olardıq!

Brendinizi tanıtmaq üçün ölkənin ən reytinqli media resuslarından olan Media24.az saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 251-50-20

Bağla