Ana səhifə   |   Astrologiya    |   Reklam
+99470 251-50-20     [email protected]    

Rəşad Sadıqov: "Qarabağ"ın hücumçuya ehtiyacı yoxdur"

Media24.az      10 Fevral , 22:47

"Qarabağ"ın kapitanı Rəşad Sadıqov "Qəbələ" ilə 0:0 hesablı heç-heçə etdikləri futbol üzrə Azərbaycan Premyer Liqasının XV tur matçından sonra brifinq keçirib.

 

"Report"un məlumatına görə, təcrübəli müdafiəçi oyundan razı qaldığını bildirib:

 

- Oyun gözlədiyimdən də yaxşı alındı. Maraqlı görüş, derbi idi. Çempionluğa oynayan iki komanda görüşürdü. Məğlub olmamaq çox vacib idi. Qələbə qazanmaq istəyirdik. Lakin bu qədər qol imkanından istifadə edə bilmədikdə, heç-heçə də pis nəticə deyil.

 

- Komandanız sanki irəlidə dişsiz görünürdü...

- Qəti razılaşmıram. Komandamız heç vaxt fərdlər üzərində qurulmayıb. Dino Ndlovu "Qarabağ"da oynadığı vaxt da forvarda ehtiyacımızın olduğuna dair tənqidlər gəlirdi.

 

- Bəs indi hücumçuya ehtiyac varmı?

- Xeyr. O vaxt da "yoxdur" demişdik, indi də deyirik. Sabah Mahir Mədətov da, Pedro Enrike də getsə, meydana çıxacaq 11 nəfər bir komanda - "Qarabağ" olacaq. Bu klubdan Reynaldo gedib, digər futbolçular gedib. Lakin komanda öz sabitliyini qoruyaraq, saxlaya bilib.

 

Bu gün Mahir də, Pedro da, Dani Kintana da irəlidə çox yaxşı oynadı. Onların əziyyətlərini yerə vurmaq olmaz. Ndlovunun qol vura bilmədiyi və ya qol imkanlarını qaçırdığı o qədər oyun olub ki...

 

Bu gün qol vura bilməməyimizin səbəbi "Qəbələ"nin qapıçısı Dmitri Bezotosnının çox yaxşı oynaması idi. Ola bilər ki, təkbətək çıxasan, əyri vurasan, zərbən alınmasın. Amma bu gün Bezotosnı keçilməz idi. Elə toplar çıxardı, elə "seyv"lər etdi ki... Ümumi götürsək, komandamızın bu qədər yaxşı oynayacağını gözləmirdim.

Загрузка...
loading...
Loading...
Ən çox izlənənlər

Sizinlə əməkdaşlığa şad olardıq!

Brendinizi tanıtmaq üçün ölkənin ən reytinqli media resuslarından olan Media24.az saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 251-50-20

Bağla