Ana səhifə   |   Astrologiya    |   Reklam
+99470 251-50-20     [email protected]    

Masallı sakini öz vəsaiti hesabına muzey düzəldib - VİDEO

Media24.az      14 Yanvar 2017, 00:40

Masallı rayonunun Xırmandalı kənd sakini Əmirəli Yaqubov 800-ə yaxın qədim əşyanı yığaraq muzey təşkil edib.

 

Media24.Az xezerxeber.az-a istinadən bildirir ki, Əmirəli Yaqubov 15 ildir ki, kənddəki Mədəniyyət Evində muzey təşkil edib. Muzeydə olan eksponatlar əsasən qədim məişət və təsərrüfat əşyalarıdır.

 

Muzeydə 17-19-cu əsrlərə aid tüfəng də var ki, bunu Əmirəli Yaqubov kənd sakinlərindən əldə edib. Eksponatların arasında ən qədim əşya isə 5-6-cı əsrlərə aid daşdan hazırlanmış məişət əşyasıdır.

 

Əmirəli Yaqubov deyir ki, bu işə böyük marağı olduğundan eksponatları da öz vəsaiti hesabına əldə edib. Fotostendlərdə, həmçinin II Dünya müharibəsində həyatını itirmiş kəndin adlı-sanlı ağsaqqalları, alimləri və müharibə illərində kənddə böyük əməyi keçən qadınların fotoları da sərgilənir.

 

Muzeydə saxlanılan ən dəyərli eksponat isə Azərbaycan bayrağıdır. Bu, vaxtilə Şuşa şəhərinin hərbi Qərargahında saxlanılan bayraqdır. Bu bayraq 1992-ci ildə Şuşa şəhəri işğal edilərkən ermənilərin əlinə keçməməsi üçün bir zabit tərəfindən götürülüb. Bayraq 5 il əvvəl Əmirəli Yaqubova dostu tərəfindən hədiyyə edilib.

 

Hazırda binada şərait olmadığından eksponatların tez sıradan çıxma ehtimalı yüksəkdir. Ona görə də Əmirəli Yaqubovun arzusu muzeyi qoruyub gələcək nəsillərə ötürmək üçün yeni bir binanın tikilməsidir.

Загрузка...
Ən çox izlənənlər

Sizinlə əməkdaşlığa şad olardıq!

Brendinizi tanıtmaq üçün ölkənin ən reytinqli media resuslarından olan Media24.az saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 251-50-20

Bağla