Ana səhifə   |   Astrologiya    |   Reklam
+99470 251-50-20     [email protected]    

Bakı metrosunda qatarın altına atılaraq özünü öldürən müğənninin SON SÖZLƏRİ ÜZƏ ÇIXDI

Media24.az      10 Yanvar 2017, 11:41

Bakıda Metrosunun “Ulduz” stansiyasında intihar edən gənc müğənni Rəşad Mustafazadənin ölümü ilə bağlı bəzi təfərrüatlar ortaya çıxıb.

 

Mərhumun iş yoldaşı və ailə yaxınının publika.az-a verdiyi məlumata görə, Rəşad Mustafazadənin ciddi psixi problemləri olub:

 

“Biz onunla və ailəsi ilə çox yaxın idik. Ailədə dörd uşaq olublar – iki qardaş, iki bacı. Biz üç dost birlikdə "Glamour Center MMC"-də çalışırdıq. Ayın 7-si tur təşkil etmişdik. Birlikdə deyə-gülə getdik gəldik. Yəni onun əhvalında heç bir ciddi dəyişiklik hiss etməmişdik. Elə olsa, heç onu tək qoymazdıq. Rəşad həyat dolu insan idi. İnanırsız o, yaşının az olmasına baxmayaraq, hər bayramda imkansız ailələrə yardım edirdi. Onun nə qədər diplomları, medalları var. Çox savadlı oğlan idi. "Glamour Center MMC" adlı kiçik turizm şirkəti quranda ortaqları ilə müəyyən maliyyə problemi yaşamışdı. Bütün bunlara baxmayaraq, o gördüyü işdən məmnun idi. Heç kimin ağlına belə gəlməyib ki, o belə bir addım ata bilər. Bu hadisədən sonra, bizə dedilər ki, bəs onun ciddi psixi problemləri olub. Bir müddət xəstəxanada yatıb. Lakin sonra müalicədən imtina edib. Ailəsi də bu vəziyyətin belə dərinləşəcəyini təxmin etmədiyi üçün, çox üstünə düşməyib”.

 

O bildirib ki, Rəşad ailəsi ilə birlikdə Yeni Gəncə qəsəbəsində yaşayıb. Saat 12-13 radələrində evdən çıxıb və sonra da bu hadisənin baş verdiyini eşitmişik:

 

“O, evdən çıxanda elə bir geyimdə olub ki, yəni heç kimin ağlına gəlməzdi ki, Rəşad belə bir geyimdə Bakıya gedər. Üstündə nə pul kisəsi, nə də çanta olub. Bir kostyumla soyuq günü evdən çıxıb. Bakıda ölümündən yarım saat qabaq, bir oğlanla görüşüb. O oğlanı da biz araşdırdıq ki, görək Rəşad belə bir addımı atacaq halda olubsa, niyə o insan onu tək buraxıb. Biz hələ də inanmırdıq ki, bəlkə başqasıdı, Rəşad deyil. Sonra həmin gün mənə “Məni İmamzadədə, bababım yanında dəfn edərsiz” deyə ismarıc atıb və xətdən çıxıb. Mən ona nə qədər zəng vurdum, sosial hesablarına yazdım cavab gəlmədi. Onun babası əslində Təbrizdə dəfn olunub. Rəşadın cəsədinin hansı vəziyyətdə olduğunu da yəqin bilirsiz. Rəşadı bu gün Gəncədə torpağa tapşıracaqlar. Biz də ora gedirik”.

Загрузка...
Ən çox izlənənlər

Sizinlə əməkdaşlığa şad olardıq!

Brendinizi tanıtmaq üçün ölkənin ən reytinqli media resuslarından olan Media24.az saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 251-50-20

Bağla