Ana səhifə   |   Astrologiya    |   Reklam
+99451 920-50-20     info@media24.az    

Banklar Dolları 1.89 manata qaldırdılar

Media24.az      12 Yanvar 2017, 15:10

4%-lik marjanın ləğv edilməsindən sonra banklar sərbəst məzənnələr elan etməyə başlayıblar.


 
“Marja” xəbər verir ki, banklarda dolların satış məzənnəsi 1.89 manata çatıb. Bu, Mərkəzi Bankın örta çəkili məzənnəsindən 5.8%-ə yaxın yüksəkdir. 
 
Hazırda 1 dolları Unibank 1.8900 manata, Yapı Kredi Bank Azərbaycan 1.8807 manata, Kapital Bank 1.8720 manata, Bank Respublika 1.8720 manata, Bank of Baku 1.8700-a, Turanbank 1.87 manata satır.
 
Xəbər verdiyimiz kimi Azərbaycan Respublikası Mərkəzi Bankı İdarə Heyətinin 11 yanvar 2017-ci il tarixli qərarı ilə nağd və qeyri-nağd mübadilə əməliyyatları zamanı xarici valyutanın alış-satış məzənnənin rəsmi məzənnədən +-4% həddində tətbiq olunan kənarlaşma həddi 12 yanvar 2017-ci il tarixindən ləğv olunub.
 
12 yanvar 2017-ci il tarixində Mərkəzi Bankda Dövlət Neft Fondunun da iştirakı ilə yeni formatda hərrac keçirilmişdir.
 
"Marja"nın əldə etdiyi məlumata görə, hərrac birtərəfli valyuta satışı formasında və rəqabətli qaydada keçirilmiş və sifarişlər ən yüksək qiymətdən ən aşağı qiymətə doğru təmin edilmişdir. Hərracda manatın orta çəkili məzənnəsi 1.7867 səviyyəsində formalaşmışdır.

Ən çox izlənənlər

Sizinlə əməkdaşlığa şad olardıq!

Brendinizi tanıtmaq üçün ölkənin ən reytinqli media resuslarından olan Media24.az saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99451 920-50-20

Bağla