Ana səhifə Astrologiya
23 Yanvar 2017
Bakı 4 °
81%
EUR: 1.9483
USD: 1.8311
RUB: 0.0308
TRY: 0.4811
Reklam yeri

Azərbaycanın valyuta bazarında hansı dəyişikliklər olacaq?

Azərbaycan Mərkəzi Bankı banklar tərəfindən valyuta mübadilə məzənnəsinin təyin olunması zamanı qoyulan dörd faizlik marjanı aradan qaldırır.

Bu barədə Trend-ə bank sektorundakı mənbə məlumat verib.

Mənbənin sözlərinə görə, məsələ bu gün Mərkəzi Bank və digər bankların rəhbərlikləri arasında keçirilən görüşdə müzakirə olunub.

Qeyd edək ki, bu gün banklar məzənnə təyin olunarkən dördfaizlik dəhlizi nəzərə almalıdır. Məsələn, bu gün dolların məzənnəsi 1,7742 manat həcmində təyin olunub. Beləliklə, valyuta mübadilə məntəqələri dolları əhalidən 1,7033 AZN-dən ucuz ala, 1,8451 AZN-dən baha sata bilməzlər.

Mənbə həmçinin qeyd edib ki, Mərkəzi Bank valyuta hərraclarının keçirilmə prinsiplərində dəyişikliklər edib. Bundan sonra hərraclar həftədə iki dəfə deyil, üç dəfə keçiriləcək.

O, hərracların keçirilmə qaydasında da dəyişikliklərin olduğunu deyib. Mənbə dəyişikliklər barədə ətraflı məlumat verməsə də, bildirib ki,bu hərraclar bazar şərtlərinə daha yaxın formada keçiriləcək.

Mərkəzi Bank tərəfindən bu tədbirlər tam üzən məzənnə rejiminə keçid çərçivəsində həyata keçiriləcək. Bu məsələ bugünki iclasın mövzusu olub. Tam üzən məzənnə rejiminə keçidin, eləcə də dörd faizlik marjanın götürülməsinin tarixləri açıqlanmayıb.

11 Yanvar 2016, 20:39    Müəllif: Sabina J.    
   Ən çox izlənənlər

Xəbər xətti
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ Tel: +99451 920 50 20 / +99470 251 50 20