Ana səhifə   |   Astrologiya    |   Reklam
+99451 920-50-20     [email protected]    

Formula 1-in kubokları dəyişdiriləcək

Media24.az      11 Yanvar 2017, 16:10

2017-ci ildə Formula 1 Azərbaycan Qran Prisinin qaliblərinə veriləcək kubokların dizaynı dəyişdiriləcək və ötənilki kubokdan fərqlənəcək.

 

 

Bunu Trend-ə  Bakı Şəhər Halqası Əməliyyat Şirkətinin Marketinq və kommunikasiya şöbəsinin rəhbəri Nigar Arpadarai deyib.

 

Onun sözlərinə görə, yarışın bütün, yəni dörd kubokunun (pilotlar üçün 1, 2 və 3-cü yer kuboku və Konstruktorlar Kuboku) dizaynında dəyişikliklər ediləcək.

 

Dəyişikliklərin detallarının hələ məlum olmadığını deyən N.Arpadarai əlavə edib ki, hazırda kubokların dizaynı üzərində iş aparılır: "Martda kubokun dizayn işləri başa çatacaq".

 

Qeyd edək ki, ötən il kubokun dizaynı öndən baxdıqda Azərbaycanın rəmzi sayılan məşəli xatırladırdı. Belə ki, içi qızılı qırmızı rəngdə olan lövhə ilə əhatə olunmuş milli xalçadan ibarət gümüşü sütun suyun üzərinə yerləşdirilmişdi. Burada su özündə qələbəni əks etdirən Xəzər dənizini təmsil edir. Üst hissəsinə gümüş sütunun bərkidildiyi fundamentin ön üzündə Formula 1-in loqosu əks olunur. Bununla yanaşı, fundamentin yuxarı hissəsinə Azərbaycan bayrağının rənglərində olan üç halqa qoyulub. Kubok Azərbaycan xalqının inam, güc, birlik və şöhrətini təsvir edən bu elementlərin hamısını özündə birləşdirir.

Ən çox izlənənlər

Sizinlə əməkdaşlığa şad olardıq!

Brendinizi tanıtmaq üçün ölkənin ən reytinqli media resuslarından olan Media24.az saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99451 920-50-20

Bağla