Ana səhifə   |   Astrologiya    |   Reklam
+99470 251-50-20     [email protected]    

Bakıda qoyun sürüsünü avtomobillə vuran şəxs döyüldü

Media24.az      14 Sentyabr 2017, 09:35

Bakının Xəzər rayonunda döyülmə ilə nəticələnən yol-nəqliyyat hadisəsi baş verib.

 

Media24.Az Report-a istinadla xəbər verir ki, hadisə Qala qəsəbəsində qeydə alınıb.

 

1973-cü il təvəllüdlü Şəfiyev Elman Bəhmən oğlu "90-LC-587" dövlət qeydiyyat nişanlı, "VAZ-2107" markalı avtomobillə qəfil qarşısına çıxan qoyun sürüsünü vurub. Nəticədə 10 baş heyvan tələf olub, eyni zamanda, avtomobilə ziyan dəyib.

 

E.Şəfiyev sürü sahibinə öldürdüyü xırdabuynuzlu heyvanlara görə pul ödəcəyini bildirib və öz aralarında razışlaşmalarını istəyib. Lakin heyvan sahibi hadisənin baş verdiyi əraziyə bir neçə nəfər tanışını çağırıb. Bu zaman tərəflər arasında mübahisə düşüb. Əlbəyaxa dava zamanı E.Şəfiyev onlar tərəfindən döyülüb.

 

Hadisənin baş verdiyi əraziyə təcili yardım maşını və Post Patrul Xidmətinin əməkdaşları gəlib. Döyülərək, xəsarət alan şəxs xəstəxanaya yerləşdirilib.

 

Həkimlərin verdiyi məlumata görə, E.Şəfiyevin vəziyyəti ağırdır. Onun burun sümüyünün sınığı və açıq kəllə-beyin travması aldığı məlum olub.

 

Faktla bağlı Xəzər Rayon Polis İdarəsində araşdırma aparılır.

Ən çox izlənənlər

Sizinlə əməkdaşlığa şad olardıq!

Brendinizi tanıtmaq üçün ölkənin ən reytinqli media resuslarından olan Media24.az saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 251-50-20

Bağla