Ana səhifə   |   Astrologiya    |   Reklam
+99451 920-50-20     [email protected]    

Aleksandr Lapşin artıq İsraildədir - YENİLƏNİB

Media24.az      14 Sentyabr 2017, 13:40

13:40

 

Azərbaycan Prezidentinin əfv etdiyi bloqqer Aleksandr Lapşin həbsdən azad olduqdan sonra İsrailə yollanıb.

 

Media24.Az report.az-a istinadən bildirir ki, bu barədə agentliyə Knessetin deputatı Kseniya Svetlova məlumat verib.

 

Onun sözlərinə görə, A.Lapşin artıq İsraildədir: "O, Təl-Əvivə Bakıdan birbaşa reyslə yollanıb".

 

Xatırladaq ki, İsrail, Rusiya və Ukrayna vətəndaşı olan bloqqer Azərbaycanın müraciəti ilə 2016-cı ilin dekabr ayında Minskdə saxlanılıb. A.Lapşin Bakıdan icazə almadan Azərbaycanın işğal olunmuş ərazilərinə səfər etdiyinə görə "qara siyahı"ya daxil edilib. O, Bakıya ekstradisiya olunduqdan sonra 3 il həbs cəzasına məhkum edilib.

 

Sentyabrın 11-də Azərbaycan Prezidenti İlham Əliyev bloqqeri əfv edib.

______

Bloqer Aleksandr Lapşin Azərbaycanı tərk edib.

 

Media24.Az-ın APA-ya istinadən məlumatına görə, o, bir qədər əvvəl Heydər Əliyev Beynəlxalq hava limanından Bakı-Tel Əviv reysi ilə İsrailə yollanıb. A.Lapşini anası Bella Lapşina müşayiət edib.

 

Qeyd edək ki, Azərbaycan prezidenti İlham Əliyev sentyabrın 11-də Aleksandr Lapşinin əfv edilməsi haqqında sərəncam imzalayıb. Sərəncama əsasən, Bakı Ağır Cinayətlər Məhkəməsinin 2017-ci il 20 iyul tarixli hökmü ilə azadlıqdan məhrumetmə cəzasına məhkum edilmiş İsrail vətəndaşı Lapşin Aleksandr Valeryeviç cəza çəkməkdən azad edilib.  Onu da əlavə edək ki, A. Lapşin sentyabrın 10-da cəzaçəkmə müəssisəsində intihara cəhd edib.

 

Ayrı-ayrı dövlətlərin vətəndaşlığını daşıyan A. Lapşin Azərbaycanın dövlət sərhədini qanunsuz olaraq keçmə, ərazi bütövlüyünü parçalamağa yönələn açıq çağırışlar etmə əməllərinə görə Azərbaycan Baş Prokurorluğunun Ağır Cinayətlərə Dair İşlər üzrə İstintaq İdarəsində istintaqı aparılan cinayət işi əsasında təqsirləndirilən şəxs qismində cəlb edilərək, beynəlxalq və dövlətlərarası axtarışa verilməsi ilə əlaqədar 2016-cı il dekabrın 15-də Belarus Respublikasının hüquq-mühafizə orqanları tərəfindən Minskdə saxlanılıb. O, 2017-ci il fevralın 7-də Azərbaycan Respublikasına ekstradisiya edilib.

 

A.Lapşin Cinayət Məcəlləsinin 281.2-ci (dövlətə qarşı açıq çağırışlar) və 318.2-ci (sərhədi qanunsuz keçmək) maddələri üzrə ittiham olunub. Bakı Ağır Cinayətlər Məhkəməsi Cinayət Məcəlləsinin 281.2-ci (Hakimiyyətin zorla ələ keçirilməsinə, zorla saxlanılmasına və ya Azərbaycan Respublikasının konstitusiya quruluşunun zorla dəyişdirilməsinə və ya ərazi bütövlüyünün parçalanmasına yönələn açıq çağırışlar etmə, habelə bu cür məzmunlu materialları yayma - Eyni əməllər təkrar və ya bir qrup şəxs tərəfindən törədildikdə) maddəsi üzrə irəli sürülən ittihama xitam verib, bu maddə üzrə ittihamın təsdiqini tapmaması qənaətinə gəlib. A. Lapşin Cinayət Məcəlləsinin 318.2-ci (sərhədi qanunsuz keçmək) maddəsi ilə təqsirli bilinərək Bakı Ağır Cinayətlər Məhkəməsinin 20 iyul tarixli hökmü ilə cəzasını ümumi rejimli cəzaçəkmə müəssisəsində çəkməklə 3 il müddətinə azadlıqdan məhrum edilib.

Ən çox izlənənlər

Sizinlə əməkdaşlığa şad olardıq!

Brendinizi tanıtmaq üçün ölkənin ən reytinqli media resuslarından olan Media24.az saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99451 920-50-20

Bağla