Ana səhifə   |   Astrologiya    |   Reklam
+99470 251-50-20     [email protected]    

Atası ermənilərin yaraladığı uşağı xəstəxanadan çıxardı – Səbəb

Media24.az      8 Avqust 2017, 10:58

Ermənistan silahlı qüvvələrinin Tovuz rayonunun Qaralar kəndini atəşə tutması nəticəsində yaralanan Ramin Yusifovun vəziyyəti nisbi yaxşıdır.

 

Bu barədə Teleqraf.com-a açıqlamasında Tovuz rayon Mərkəzi Xəstəxanasının baş həkimi Paşa Muradov deyib.

 

Onun sözlərinə görə, Ramin Yusifov aşağı ətraflardan çoxlu qəlpə yarası alıb: “Dünən bizə daxil olanda vəziyyəti orta ağır idi. Təcili olaraq lazımi yardım göstərildi”.

 

Baş həkim bildirib ki, az öncə xəstənin atası onu evə aparıb: “Biz aparmasını məsləhət görmədik. Atası bildirdi ki, kənddə saman yığmalıdır. Uşağının yanında qalsa, samanı yığan olmayacaq. Bildirdik ki, uşaq nəzarətdə qalmalıdır, problem ola bilər. Amma ailə razılaşmadı”.

 

Qeyd edək ki, dünən Ermənistan Silahlı qüvvələri Tovuz rayonunun Qaralar kəndini atəşə tutublar. Hadisə nəticəsində bir dinc sakin yaralanıb. Yaralanan şəxs 2004-cü il təvəllüdlü Yusifov Ramin Sabir oğludur. O, öz həyətlərində olarkən həyətə mərmi düşüb. Mərminin qəlpələri Yusifov Ramini ağır şəkildə yaralayıb.

 

Bədənində çoxsaylı qəlpə yarası alan Ramin Yusifov dərhal təcili tibbi yardım maşını ilə xəstəxanaya aparılıb.

Ən çox izlənənlər

Sizinlə əməkdaşlığa şad olardıq!

Brendinizi tanıtmaq üçün ölkənin ən reytinqli media resuslarından olan Media24.az saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 251-50-20

Bağla