Ana səhifə   |   Astrologiya    |   Reklam
+99470 251-50-20     [email protected]    

Aparıcı üsyan etdi: "6 nəfəri bir gündə dəfn etdim..." - FOTO

Media24.az      7 Avqust 2017, 12:33

Hadisə hamının başına gələ bilər, hamı qəza törədə bilər. Amma bunu içkili, avara, gözü ayağının altını görməyən edirsə, bir gülləsi əskikdir. Bir gündə 51 yaşında ananı, 23 yaşında nişanlı qardaşı, 29 yaşında 6 və 7 yaşlı iki gül balasıyla birgə bacını və 5 yaşlı başqa bacımın uşağını itirdim. Məzarlığa yox, bir evə gedirəm hər dəfə. 6 nəfəri bir gündə dəfn etdim, özüm də 7 aylıq hamiləydim, artıq gücüm yoxdur...

 

Media24.Az teleqraf.com-a istinadən xəbər verir ki, bu fikirləri "Space" telekanalının məşhur aparıcısı Zamirə Dadaşova son günlər yol-nəqliyyat hadisəsi zamanı günahsız insanların həlak olmasına diqqət çəkərək ağır yol qəzası nəticəsində bir gündə ailəsinin 6 üzvünü itirməsi barədə sosial şəbəkədə paylaşıb.

 

Zamirə Dadaşova 13 il öncə, avqustun 7-də aldığı acı xəbərlə həyatının alt-üst olduğunu vurğulayıb:

 

"Allah qoysa, iki ay sonra oğlumun 13 yaşı olacaq. Zaman heç nəyi həll etmir. Çox darıxıram. Heç kimə hiss etdirməsəm də, gülsəm də, danışsam da, əylənsəm də içim özümü, çölüm özgəni yandırır.

 

İnsan məhv olur, içi göynəyir, ürəyi parçalanır, nəfəsi çatmır, boğulur. Hər gün əylənib, dostlar ətrafında olub içərəm ki, heç nəyi düşünməyim. Bu durumda ya dəli olmalısan, ya sərxoş... Ya da ölmək lazımdır. Heç biri də olmur ki, rahatlayasan. Çox pisəm, çox... Hər dəfə məzarlıqdan ölüb qayıdıram.

 

Niyə bunları yaşamalıyam?! Hansısa qudurğanın kefinin, avara həyatının qurbanı mən oldum. Yenə deyirəm, hadisəni hamı törədə bilər. O zaman bağışlayarsan da. Amma qudurğanları bağışlamaq yox, ağır cəzalandırmaq lazımdır. Harınlamışlar kef, avaralıq edir, düz yolunu gedən bizim kimi insanların ailəsi isə məhv olur".

Ən çox izlənənlər

Sizinlə əməkdaşlığa şad olardıq!

Brendinizi tanıtmaq üçün ölkənin ən reytinqli media resuslarından olan Media24.az saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 251-50-20

Bağla